Os Bombeiros de Vigo tiveron que intervir na Rúa Esperanto para controlar un incendio que consumiu, por completo, a cabina do ascensor dun edificio. Ninguén resultou ferido, informa o 112. Ás 10,30 horas deste sábado varios particulares chamaron ao 112 Galicia para informar o suceso. De acordo co relato das testemuñas do incidente, víase saír fume do interior da edificación.

Os xestores de emerxencias pasaron aviso aos profesionais de urxencias sanitarias e aos Bombeiros de Vigo. Ademais, informouse os axentes da Policía Local e aos efectivos de Protección Civil da cidade.

Ao fío das 15,00 horas, tras finalizar a intervención e volver á base, os membros do Servizo de Prevención, Extinción de Incendios e Salvamento confirmaron ao 112 que, finalmente, ardeu o compartimento do ascensor do edificio sen que se rexistrasen danos persoais.