A área Sanitaria de Vigo detectou catro positivos de Covid-19 nun cribado realizado no municipio de Oia no que participaron un 55% dos convocados, e outros dous contagios nun en Redondela, que contou cun 43% de asistencia.

Así o informou este venres a área sanitaria viguesa, que detallou que en Oia das 418 persoas convocadas este pasado luns participou un 55,9 por cento e detectáronse catro casos positivos.

Mentres no municipio de Redondela, dos 1.134 veciños convocados a un cribado mediante PCR este martes pasado participaron un 43 por cento dos citados.

No caso das probas realizadas na localidade pontevedresa de Redondela, de entre as PCR levadas a cabo rexistráronse dous casos positivos por Covid-19.