InicioSociedadeFamiliares de usuarias da DomusVi de Cangas critican as dilixencias "insuficientes" ante...

Familiares de usuarias da DomusVi de Cangas critican as dilixencias “insuficientes” ante o arquivo da causa

O despacho Pérez-Lema Avogados e Consultores considera que "non se permitiu a identificación dos datos obxectivos".

PUBLICADO O

- Advertisement -

O despacho Pérez-Lema Avogados e Consultores, que representa a familiares de usuarias da residencia DomusVi de Aldán, en Cangas, critica que as dilixencias practicas “son insuficientes” –como o requirimento documental e ditame médico-forense–, despois de que a Audiencia Provincial de Pontevedra confirmase o sobresemento do procedemento penal contra a empresa e dous ex altos cargos da Consellería de Política Social da Xunta.

A Sección Cuarta da Audiencia ditou a pasada semana o arquivo dunha causa aberta por mor dunha querela presentada polas fillas de dúas usuarias do centro de Cangas que se contaxiaron de covid-19 durante a primeira onda da pandemia, das cales unha terminou falecendo.

Respecto diso, o bufete de avogados censura que as dilixencias “adoecen de incongruencias e rumbos que limitan o seu valor probatorio”. Expón que non acharon indicios de responsabilidade penal “porque non se permitiu a identificación dos datos obxectivos, a pesar de disporse de probas para facelo”.

Reproba que “a documentación manexada respondía unicamente aos intereses de defensa da residencia DomusVi Aldán e non avaliou o grao de cumprimento dos protocolos sanitarios”. Por iso, non descarta a toma en consideración de novas probas.

A modo de exemplo, apunta a que a “única información manexada polo médico forense” foi o informe asistencial e o informe de alta hospitalaria, “sen que conste consulta do historial clínico” dunha das residentes. “Isto é: avalíase a unha persoas morta a través de documentos que non achegan información sobre o acontecido nos días previos ao óbito e sobre os coidados recibidos”.

Así mesmo, Pérez-Lema Avogados e Consultores quéixase de que “non se permitiu” avaliar as circunstancias concretas de cada caso, nin sequera mediante a avaliación médica a unha das súas defendidas que non faleceu.

“A única certeza é que os falecementos non se produciron de preservar ás persoas residentes do contaxio do coronavirus”, sostén a acusación.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...