InicioSociedadeOrganizan acompañamentos en bici para mulleres que queiran aprender a circular con...

Organizan acompañamentos en bici para mulleres que queiran aprender a circular con seguridade por Vigo

Greenpeace e o colectivo ecofeminista "Mulleres Bicivisíbeis" organizan estas saídas de balde para contribuír a aumentar o número de mulleres ciclistas na cidade.

PUBLICADO O

A organización medioambiental Greenpeace e o colectivo ecofeminista Mulleres Bicivisíbeis ofertan a partir da vindeira semana e de balde sesións de acompañamento a mulleres que desexen moverse pola cidade de Vigo en bicicleta pero que non se atrevan a facelo por sentírense inseguras.

A intensidade e agresividade do tráfico urbano, a carencia dunha rede ciclista que permita desprazarse por toda a cidade e mesmo situacións de acoso son parte das razóns polas cales moitas mulleres renuncian á bicicleta como un medio de transporte na cidade. Para apuntarse a participar nestes acompañamentos só hai que saber andar en bicicleta, dispor dunha bici e escribir á dirección de correo do colectivo ecofeminista. As saídas realizaranse en grupos reducidos, polo que as prazas son limitadas e crearanse os grupos por orde de inscrición.

A iniciativa forma parte do proyecto Mulleres Bicivísibeis, que as dúas organizacións participantes están a desenvolver para contribuír a aumentar o número de mulleres ciclistas na cidade e deste xeito impulsar o transporte sostíbel non motorizado en detrimento dos vehículos particulares. O devandito proxecto conta tamén con cursos para aprender a andar en bicicleta a mulleres, o primeiro dos cales se desenvolveu “a finais de maio cun rotundo éxito e conta cunha importante lista de espera á que se tentará ir atendendo en vindeiras edicións”, apuntan dende Greenpeace.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...