InicioPolíticaAbel Caballero no ecuador do seu mandato: "Estivemos á altura e respondemos...

Abel Caballero no ecuador do seu mandato: “Estivemos á altura e respondemos á confianza de Vigo”

O rexedor vigués aludiu a todas as obras de 'humanización' de rúas, á reforma de Balaídos, e a outras actuacións, lembrando que "nestes momentos hai 120 millóns de investimento en marcha".

PUBLICADO O

- Advertisement -

O alcalde de Vigo, Abel Caballero, fixo este mércores balance no ‘ecuador’ do actual mandato municipal e concluíu que o seu goberno estivo “á altura” e soubo responder á “confianza” que lle outorgaron “101.000 vigueses”.

Nunha rolda de prensa, o rexedor olívico lembrou que, dous anos despois das eleccións nas que a súa lista obtivo “un resultado histórico” (20 de 27 concelleiros), o goberno local foi capaz de realizar importantes investimentos, desbloquear proxectos e atender ás necesidades provocadas pola pandemia de Covid.

“Nestes dous anos estivemos á altura das circunstancias e respondemos á confianza depositada por 101.000 vigueses”, proclamou Caballero quen incidiu en que, ademais das medidas adoptadas polo Concello para mitigar os efectos da crise sanitaria, o goberno local foi capaz de “manter alta a moral” dos cidadáns, cuxo comportamento foi “excepcional”.

Abel Caballero destacou que, nos últimos dous anos, o seu goberno logrou “asegurar o saída sur ferroviaria, que xa é irreversible”, avanzar no AVE directo a Madrid por Cerdedo, tramitar unha nova potabilizadora, pór “en marcha” a nova autovía en túnel ao Porriño, avanzar na licitación do novo paseo de Bouzas, desbloquear a Biblioteca do Estado, e impulsar proxectos como unha planta de baterías (a pesar do “boicot” da Xunta), unha de hidróxeno verde ou unha de ‘chips’ fotónicos.

O rexedor tamén aludiu a todas as obras de ‘humanización’ de rúas, á reforma de Balaídos, e a outras actuacións, lembrando que “nestes momentos hai 120 millóns de investimento en marcha”.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...