O Aeroporto de Vigo levou a cabo un proxecto piloto polo que despregou drones nas súas instalacións para realizar traballos vinculados con tarefas de mantemento e inspección, as cales se realizan periodicamente no campo de voo dun aeroporto.
Tal e como informou Aena este venres, esta iniciativa enmárcase na estratexia ‘Aeroporto Aena 4.0’, pola que o voo dos drones se compatibilizou coa actividade diaria do aeroporto. Así, o voo da aeronave non tripulada foi supervisado desde a torre de control polo provedor de servizos de tránsito aéreo Servizos Aeronáuticos Control e Navegación (Saerco) e as probas realizáronse cumprindo os requisitos de seguridade esixidos pola Axencia Estatal de Seguridade Aérea (AESA).
Aena remarcou que a utilización destas aeronaves responde o seu obxectivo de “promover o uso de solucións tecnolóxicas que fagan máis eficientes os procesos e servizos de aplicación na contorna aeroportuaria”.
