InicioSucesosDenunciados os participantes dunha festa en Vigo que durou 5 días, un...

Denunciados os participantes dunha festa en Vigo que durou 5 días, un deles fuxido dun centro de menores

Ocorreu na rúa San Lorenzo.

PUBLICADO O

A Policía Local de Vigo identificou e propuxo para sanción a oito persoas que se atopaban celebrando unha festa nun domicilio da cidade, e que foi denunciada polos veciños, xa que o ruído e as molestias prolongábanse de forma ininterrompida desde había cinco días.

Segundo informaron fontes policiais, os feitos ocorreron na noite deste mércores, cando unha dotación acudiu a unha vivenda da rúa San Lorenzo, avisados polos veciños que denunciaron que había unha festa que se estivo celebrando de forma continuada durante cinco días.

Os axentes identificaron o inquilino da vivenda, un mozo de 21 anos de idade, L.C.D.S.P., natural de Brasil, que recoñeceu que estaban “de celebración”. Así mesmo, comprobaron que había outro seis homes e unha muller, consumindo bebidas alcohólicas.

Ao identificar os participantes na festa para propolos para sanción (non eran convivientes), os policías comprobaron que un deles, I.R.B., de República Dominicana e de 20 anos de idade, constaba como fuxido dun centro de menores de Pontevedra. O mozo foi trasladado a dependencias policiais para ser reingresado na institución.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...