InicioSociedadeNovo cribado no Porto de Vigo e un dos barcos confinados sairá...

Novo cribado no Porto de Vigo e un dos barcos confinados sairá despois da súa corentena

Irase de Vigo con destino a Bélxica despois de cargar este xoves uns 2.500 vehículos e cambiar parte da súa tripulación.

PUBLICADO O

Sanidade realizará outro cribado no Porto de Vigo en busca de casos asintomáticos de Covid-19, e que será complementario ao cribado realizado o pasado luns, no que participaron máis de 900 persoas e que serviu para detectar 21 positivos.

Segundo confirmou a propia Autoridade Portuaria, as próximas probas desenvolveranse o martes na Lonxa de Mariscos, que se desinfectará previamente, e a previsión é citar a 200 traballadores de empresas nas que tamén traballan as persoas que deron positivo no cribado desta semana.

Por outra banda, con respecto aos buques ro-ro que estaban en corentena nas últimas semanas debido á detección de casos de Covid (nun deles confirmouse a variante india do virus), o Porto de Vigo confirmou que o ‘Prometheus Leader’ xa finalizou a corentena e desprazouse ao peirao de Bouzas este xoves.

Este barco, con bandeira de Singapura, irase de Vigo con destino a Bélxica despois de cargar este xoves uns 2.500 vehículos e cambiar parte da súa tripulación (dous novos traballadores prevén incorporarse, á espera do resultado dos seus PCR). Dos tripulantes que chegaron a Vigo a finais de abril, 8 contaxiados de COVID (coa variante india) seguen hospitalizados en Vigo, un deles en UCI.

O segundo barco, o ‘Emerald Leader’, xemelgo do primeiro e con bandeira de Bahamas, permanece en corentena no peirao de granito de Rande. Neste caso, aínda non se confirmou a variante do covid que afecta aos seus 10 tripulantes contaxiados (catro deles hospitalizados e o resto illados no propio barco).

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...