InicioSociedadeA UVigo porá en órbita un nanosatélite para estudar microorganismos no espazo

A UVigo porá en órbita un nanosatélite para estudar microorganismos no espazo

Trátase dunha misión biolóxica que se desenvolverá durante tres anos.

PUBLICADO O

O equipo multidisciplinar UVigo SpaceLab da Universidade de Vigo puxo en marcha unha misión biolóxica polo que porá en órbita un nanosatélite co obxectivo analizar os efectos reais da exposición prolongada dos microorganismos ao medio espacial.

Este proxecto, denominado ‘Bacteriological Intercommunication eXperiment’ (BIXO) desenvolverase en tres anos e actualmente ten en marcha unha convocatoria –aberta ata o 27 de maio– para atopar novos membros dentro da comunidade universitaria viguesa.

Segundo informou a institución académica, o proxecto BIXO busca “entender como afecta a exposición prolongada ao ambiente espacial tanto nos humanos como nos organismos que viaxan con eles”. Neste sentido, apuntou que a importancia dos procesos examinados “é máxima”, xa que “poden influír na saúde e seguridade das astronautas”.

Para levar a cabo o estudo, enviaranse cultivos bacterianos ao espazo a través de cartóns de milifluídica nun satélite de pequenas dimensións ‘CubeSat’. Unha vez que estea en órbita, empezarán a analizarse as mostras a partir duns sensores, que achegarán información sobre distintos parámetros de comportamento dos microorganismos.

Despois de definir a misión, este ano o equipo prevé completar o deseño preliminar e o prototipo da estrutura e os distintos subsistemas. Tras iso, en 2022 comezará a ensamblaxe e a verificación da misión.

Paralelamente, UVigo SpaceLab realizará probas preliminares para garantir que os organismos que serán enviados no ‘CubeSat’ poidan sobrevivir á viaxe. Na última etapa, “non antes de 2023”, lanzarase o nanosatélite, tras o que o proxecto se prolongará nove meses –o tempo que duraría unha viaxe entre a Terra e Marte–.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...