InicioEconomíaStellantis Vigo estenderá ao mércores a parada por falta de microchips e...

Stellantis Vigo estenderá ao mércores a parada por falta de microchips e ve posible prolongala ata o xoves

Esta parada prodúcese logo da suspensión de actividade nas tres quendas dos dous sistemas de montaxe este domingo e a parada na quenda de mañá do luns.

PUBLICADO O

A planta viguesa do grupo Stellantis (antes PSA Peugeot Citroën) estenderá á xornada do mércores a parada parcial de actividade prevista para a quenda de noite deste martes, debido aos problemas de aprovisionamento (derivados da chamada crise dos microchips).

Ademais, avisou de que a suspensión da actividade, que afecta aos dous sistemas da planta de Vigo, podería prolongarse ata as 22,00 horas deste xoves, día 13, o que se atopa pendente de confirmación.

Esta parada prodúcese con posterioridade á suspensión de actividade nas tres quendas dos dous sistemas de montaxe este domingo e a parada na quenda de mañá deste luns. De feito, a planta leva sufrindo paradas de forma periódica desde principios de ano.

Estas suspensións de actividade débense a problemas de abastecemento de compoñentes, cuxos fabricantes á súa vez están condicionados pola falta de semiconductores (microchips). Precisamente, para afrontar este escenario de incerteza, a dirección da factoría pactou un ERTE co comité de empresa (excepto CIG e CUT, que non asinaron).

Seguen os problemas e os paros en Stellantis Vigo por problemas de aprovisionamento

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...