InicioSociedadeIngresan un dos tripulantes do segundo barco confinado en Vigo

Ingresan un dos tripulantes do segundo barco confinado en Vigo

Fontes sanitarias detallan que o home está estable e permanece en planta.

PUBLICADO O

- Advertisement -

Un do oito tripulantes coa covid-19 do segundo buque confinado no porto de Vigo foi ingresado no Hospital Vithas Vigo por presentar sintomatoloxía.

Diso informaron este sábado fontes sanitarias, que detallan que o home está estable e permanece en planta.

Na xornada do venres, a Consellería de Sanidade confirmou o confinamento deste buque, o ‘Emerald Leader’, no Porto de Vigo, tras detectarse 8 casos positivos de Covid-19 entre os membros da súa tripulación.

Fontes do Sergas explicaron que esta tripulación, formada por 23 persoas de varias nacionalidades (entre eles, asiáticos, latinoamericanos e europeos), permanece illada no barco, e entre eles están os casos positivos de coronavirus, que están asintomáticos.

Os contaxios foron confirmados polo laboratorio VithasLab e o barco xa foi posto en corentena antes da atracada. Ademais, Sanidade sinalou que o laboratorio de Microbioloxía do Chuvi está secuenciando mostras destes pacientes para determinar con cal variante están contaxiados.

O ‘Emerald Leader’ é un buque ro-ro con bandeira de Bahamas e que atracou en Vigo procedente de Reino Unido. Segundo os datos que manexa o Porto olívico, o barco tiña como seguinte escala o porto de Sagunto (Valencia).

Ademais deste buque, outro ro-ro permanece illado na terminal olívica, o ‘Prometheus Leader’, en cuxa tripulación se confirmaron sete contaxiados por Covid-19, coa variante india do virus. Do total de afectados deste cargueiro, hai catro persoas hospitalizadas, unha das cales está ingresada na UCI.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...