Abanca destina 200 millóns, ampliables noutros 100 millóns, ao financiamento das empresas que se sitúan nos polos industriais da área de Vigo

Con esta inxección de financiamento ante a pandemia, o banco busca reforzar a viabilidade das empresas que se emprazan nos principais polos industriais de Vigo, O Porriño, Mos, Nigrán, Tui, Gondomar e Salvaterra.

O director territorial de Abanca en Vigo, Walter Álvarez, así como distintos directores de zona e de oficina e xestores especializados no segmento participaron en diversas reunións cos presidentes das asociacións de empresarios de cada polígono do sur da provincia de Pontevedra.

O banco deseña produtos e servizos adaptados ás necesidades tras o impacto da crise e ofrece alternativas para impulsar proxectos ante a chegada dos fondos Next Generation da UE, explica nun comunicado.