InicioEconomíaA CIG reta a CC.OO. e UGT cunha folga no metal o...

A CIG reta a CC.OO. e UGT cunha folga no metal o 12 de maio

Insta ás centrais que "se comporten como sindicatos de clase" e non asinen o preacordo coa patronal.

PUBLICADO O

O sindicato CIG anunciou este martes a convocatoria de folga de media xornada no sector do Metal da provincia de Pontevedra para o próximo 12 de maio, e fixo un chamamento a CC.OO. e UGT para que non asinen o convenio provincial (para o que hai un preacordo do que se desmarcou a central nacionalista) e “se comporten como sindicatos de clase”.

Así o trasladou o responsable de Industria da CIG na comarca de Vigo, Xulio Fernández, durante unha concentración de delegados fronte á sede de Asime, patronal do Metal Fernández anunciou a xornada de folga e chamou aos sindicatos que alcanzaron un preacordo para o convenio cos empresarios a “reflexionar”, xa que o texto pactado acordouse “por detrás, sen consultar aos traballadores”.

Segundo incidiu, CC.OO. e UGT “están a traizoar ao sector” aceptando un convenio “moi regresivo”, que “ataca aos máis precarios”, que son os eventuais, ao eliminar o prorrateo da indemnización por despedimento, que foi unha “conquista histórica”. “Se se paga todo xunto ao final do contrato, moitas empresas obrigan aos traballadores a renunciar á indemnización se queren renovar e seguir traballando”, denunciou.

“QUE ESCOITEN O SECTOR”

Ademais de apelar á “reflexión” destas centrais, o responsable de Industria do sindicato nacionalista tamén fixo un chamamento aos traballadores “para que teñan claro a quen se vota cando elixen os seus delegados”.

Xulio Fernández pediu a CC.OO. e UGT “que non asinen” e sinalou que a CIG “tende a man” para retomar a negociación do convenio, aínda que os outros sindicatos “sempre acaban traizoando no último momento”. “Que non asinen, que escoiten ao sector”, insistiu.

Ademais da concentración ante a sede de Asime, este martes houbo outra protesta en Vigo, de operarios de auxiliares que, do mesmo xeito que o luns, volveron a cortar o tráfico fronte ao estaleiro Freire. A Plataforma de Traballadores do Metal reclama, con este novo acto reivindicativo, que non se asine o convenio, que cualifican de “traizón sindical”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...