InicioSociedadePiden ao Concello de Vigo máis frecuencias nos autobuses: "a xente veos...

Piden ao Concello de Vigo máis frecuencias nos autobuses: “a xente veos inseguros”

O 84% das persoas cambiaron os seus hábitos de transporte pola covid, segundo Ecoloxistas en Acción.

PUBLICADO O

- Advertisement -

A preocupación motivada pola pandemia a comezos do ano pasado conseguiu desprazar o que, ata entón, era un dos temas principais do debate público: a chamada emerxencia climática. Porén, conforme a fin da covid-19 se comeza a albiscar xa no horizonte, todo apunta a que o problema climático volverá emerxer, se cadra con máis forza polos posibles cambios en hábitos e mentalidade traídos pola pandemia.

A este respecto, a plataforma verde Ecoloxistas en Acción vén de presentar un informe titulado “Cambios nos usos do transporte público provocados pola pandemia , resultado da investigación realizada en colaboración coa cooperativa Andaira.  O informe, do mesmo xeito que outros estudos realizados recentemente, destaca que o transporte público colectivo perdeu case o 40% dos viaxeiros, debido fundamentalmente á inseguridade percibida polos usuarios.

Este extenso estudo, focalizado no caso vigués, trae conclusións positivas e negativas sobre os cambios nos hábitos de desprazamento e as súas implicacións no medio ambiente. Por exemplo, no caso olívico, o informe de Ecoloxistas en Acción cifra nun 46% a poboación que reduciu o uso do transporte público. “No caso de Vitrasa, o ano saldouse con 9,5 millóns de vaixeiros menos”, explican.

PERCIBIDO COMO “INSEGURO”

O caso é paralelo en canto ao transporte marítimo de Ría: “baixaron nun 40% as persoas usuarias do servizo entre Vigo e Cangas”. A problemática do transporte público está, claro, na inseguridade que unha boa parte dos cidadáns percibe no seu uso, xa que en autobuses e demais vehículos se dan situacións que, noutros contextos, están prohibidas polas autoridades sanitarias.

O informe tamén constata que o metro se percibe como o medio de transporte máis inseguro (42%), seguido do tren ou tranvía (35%), autobús (24%). A inseguridade sanitaria condiciona o uso que se fai da cidade: “un 84% das persoas modificaron a pauta respecto de visitar amigos/as e familiares, lecer, deporte ou visitar outras zonas da cidade, por evitar utilizar o transporte público”.

MÁIS CAMBIOS NAS MULLERES

Curiosamente, o estudo concúe que os homes alteraron en menor medida que as mulleres os diferentes usos contemplados da cidade. As mulleres deixaron de asistir ao seu centro de traballo ou estudos, se tiña a opción de facelo, e por evitar o transporte público, nun 15,9% máis que os homes.

Segundo a plataforma, “máis da metade das persoas utilizaría máis o transporte público se se implementaran medidas de seguridade sanitaria”. E é que a enquisa realizada por Andaira para Ecoloxistas en Acción recolle que a cidadanía viguesa “denuncia aglomeracións e exceso de capacidade no transporte urbano, a miúdo con viaxeiras de pé ou sen gardar as distancias de seguridade”. A organización ecoloxista demanda ao Concello de Vigo que se aumente as frecuencias so servizo de autobús urbano para remediar esta situación e que os usuarios recobren a confianza.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...