InicioSociedadeA Universidade de Vigo presenta unha compilación de artigos xornalísticos de Méndez...

A Universidade de Vigo presenta unha compilación de artigos xornalísticos de Méndez Ferrín

"É un dos escritores máis relevantes e necesarios da Galicia contemporánea", defende a UVigo.

PUBLICADO O

A Área de Normalización Lingüística (ANL) e o Servizo de Publicacións da Universidade de Vigo (UVigo) presentaron un libro que recolle unha compilación dos artigos publicados no últimos seis anos por Xosé Luís Méndez Ferrín en Faro de Vigo.

Segundo informou a universidade viguesa, é unha recompilación de 261 textos que apareceron publicados entre xaneiro de 2015 e xuño de 2020 no xornal, dentro da sección ‘No Fondo dos Espellos’, que agora tamén dá nome á obra editada pola universidade.

O director da área de Normalización Lingüística, o profesor Fernando Ramallo, destacou que Xosé Luís Méndez Ferrín, que foi presidente da Real Academia Galega ata 2013 e é director da revista ‘A Trave de Ouro’, “é un dos escritores máis relevantes e necesarios da Galicia contemporánea”.

Os artigos desta compilación, que Ramallo describe como “unha forma de homenaxear a Ferrín” e un reflexo do “efémero do traballo xornalístico”, abarcan unha ampla variedade temática, que inclúe historia, ciencias naturais e literatura. Os editores esperan publicar a finais de ano unha segunda parte deste volume, cos textos publicados por Méndez Ferrín entre 2007 e 2014.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...