InicioEconomíaAsime acusa á "incerteza e falta de marco regulatorio" de atrasar a...

Asime acusa á “incerteza e falta de marco regulatorio” de atrasar a chegada da “eólica mariña”

"Cunha implantación preto das costas galegas de parques eólicos de densidade media, poderíanse crear máis de 12.000 postos de traballo, 6.000 directos e 6.000 indirectos, na próxima década", aseguran desde ASIME.

PUBLICADO O

- Advertisement -

O Galician Offshore Energy Group da Asociación de Industrias do Metal e Tecnoloxías Asociadas de Galicia (GOE-Asime) manifestou que en España hai “capacidade dabondo” para despregar a eólica mariña, aínda que “a incerteza e falta de marco regulatorio está a atrasar” o seu “despegamento”.

Así o manifestou o secretario xeral de Asime-GOE, Enrique Mallón, no evento ‘A cadea de cadea de valor da industria eólica offshore en España’, organizado pola Asociación Empresarial Eólica (AEER) e o Club Español da Enerxía (Enerclub).

Mallón subliñou que, no actual contexto, “é urxente dar seguridade e estabilidade” na eólica mariña para atraer “investimentos millonarios que non poden realizarse en marcos de incerteza”. “Para xustificar os investimentos aquí e non noutros países, necesítase visibilidade a longo prazo”, apostilou.

A maiores, indicou que é necesario “industrializar e estandarizar para reducir custos e ser competitivos”; un marco no que indicou que as empresas galegas “teñen experiencia e capacidade para cubrir toda a cadea de valor”.

Así, insistiu en que a eólica mariña “é a industria con maior potencial para Galicia”. “Cunha implantación preto das costas galegas de parques eólicos de densidade media, poderíanse crear máis de 12.000 postos de traballo, 6.000 directos e 6.000 indirectos, na próxima década”, asegurou.

Con este obxectivo, e coa intención de cubrir toda a cadea de valor, indicou que Galicia debe “abordar o reto do espazo”. “Hai capacidade nos estaleiros, pero en superficie portuaria podemos quedarnos escasos, e hai que mellorar as redes de conexión a terra, que son suficientes, pero sempre mellorables”, concluíu.

ÚLTIMAS

O Porto de Vigo inicia a operativa de “eliminación e trincaxe” do buque ‘HC Eva Marie’

O Porto de Vigo iniciou este sábado a operativa para a "eliminación, desconsolidación e posterior trincaxe" dos...

Dous construtores enfróntanse a 3 anos de cárcere por quedar co diñeiro dunha obra na parroquia de Candeán que non chegaron a facer

Dous construtores, que serán xulgados na sección quinta da Audiencia Provincial de Pontevedra (con sede en Vigo)...

Stellantis reduce a súa proposta de ERE para un máximo de 80 traballadores e o ERTE baixa de 85 a 75 días en 2025

A dirección de Stellantis Vigo fixo este venres unha nova proposta a sindicatos para os expedientes...

Caballero arremete contra Néstor Rego (BNG) por oporse á nova A-52: “Veñen a Vigo a mentir”

O alcalde de Vigo, Abel Caballero, arremeteu este venres contra o BNG e contra o deputado Néstor...