Un home duns 45 anos de idade foi evacuado a media tarde do pasado luns desde o Hospital comarcal de Valdeorras, situado no Barco, ata un centro hospitalario de Vigo tras cortarse nunha man cunha motoserra na localidade ourensá do Bolo.

Segundo informaron fontes sanitarias, o home I.F.G., de 45 anos de idade, presentouse na tarde deste pasado luns no Hospital de Valdeorras, no Barco, tras cortarse nunha man cunha motoserra na parroquia de Santa Cruz.

Despois de recibir o aviso sobre as 17,05 horas deste luns, o 061 mobilizou un helicóptero medicalizado para trasladar a este home cunha semiamputación desde o hospital no Barco ata Povisa, en Vigo.