A planta viguesa de PSA (Stellantis) informou este mércores ao comité de empresa de que parará a súa produción na quenda de noite deste xoves, debido a que “persisten os problemas de abastecemento”.

Esta parada afecta á xornada nocturna dos dous sistemas de montaxe, e tamén ao taller de baterías, o que supón algo máis de 1.500 traballadores. Con iso, xa é o segundo día en que se paraliza a actividade a quenda de noite por problemas de subministración.

A factoría viguesa xa tivo que paralizar a súa produción fai un par de semanas por desabastecemento ligado á escaseza de microchips. Esa parada supuxo deixar de fabricar uns 2.000 vehículos.