A Asociación Nacional de Fabricantes de Conservas de Peixes, Anfaco-Cecopesca, celebra o próximo 3 de marzo unha xornada-taller internacional que incluirá formación práctica, degustacións de produtos do mar e conferencias.
Segundo informou Anfaco, este evento enmárcase no proxecto europeo ‘Seafood Tomorrow’, cuxo obxectivo é “fortalecer a industria europea de produción e procesado de produtos da pesca e da acuicultura”.
A xornada, denominada ‘Solucións innovadoras para a sustentabilidade da industria mar-alimentario, celebrarase de forma presencial cun aforamento limitado a 30 persoas nas instalacións da Asociación, no Campus Universitario de Vigo; e tamén poderá seguirse por vía telemática.
Entre as actividades que se celebrarán inclúese a presentación dun proxecto sobre un método de procesado alternativo que permite reducir a toxicidade de moluscos bivalvos, e unha iniciativa para a detección rápida de toxinas mariñas e contaminantes químicos.
Finalmente, no marco deste evento desenvolverase unha sesión gastronómica na que se poderán probar novas receitas culinarias coas que se busca promover o consumo sustentable de especies de peixe con baixo valor comercial.
