Varios membros da tripulación do buque hospital ‘Esperanza del Mar’, pertencente ao Instituto Social da Mariña, atópanse pendentes da realización de probas PCR para confirmar varios posibles casos de COVID-19, detectados a través de test de antíxenos.

Os tests de antíxenos revelaron entre 7 e 9 posibles casos de persoas contaxiadas, polo que se activaron os protocolos para a realización de probas PCR, a través dun laboratorio privado.

O ‘Esperanza del Mar’ atópase fondeado no interior do arquipélago de Cíes e estaba previsto que atracase no porto de Vigo este sábado á primeira hora da mañá. Fontes consultadas apuntaron que, de confirmarse este gromo, é probable que a tripulación garde corentena a bordo do propio buque.