InicioSociedadeO PP censura o "desmantelamento" e "abandono" de Protección Civil de Vigo

O PP censura o “desmantelamento” e “abandono” de Protección Civil de Vigo

O goberno local "nunca mostrou nin o máis mínimo interese por potenciar esta agrupación", lamenta o portavoz do grupo, Alfonso Marnotes.

PUBLICADO O

O grupo municipal do PP no Concello de Vigo criticou este mércores que o goberno local contratase persoal externo para controlar os aforamentos nas rúas durante a campaña do Nadal, mentres está “a desmantelar” a agrupación de Protección Civil da cidade, que sempre realizou un servizo “útil e efectivo”.

Así o trasladou o portavoz do grupo, Alfonso Marnotes, tras manter unha reunión con representantes de Protección Civil, e tras a que denunciou que a agrupación “foi abandonada por Abel Caballero”, que a mantén “nunhas instalacións ruinosas, deficitarias e carentes de medios”.

Respecto diso, lembrou que o servizo chegou a ter máis de 100 voluntarios e que o goberno local “nunca mostrou nin o máis mínimo interese por potenciar esta agrupación”.

Segundo lamentou, “os voluntarios quéixanse de que carecen de material para realizar servizos, algúns dos vehículos están avariados e non se reparan, e hai un deixamento total, non xa por atraer a máis membros senón por manter os existentes”. “Foi abandonada á súa sorte (…) e agora atopámonos con que o Concello ten que contratar unha empresa privada para que realice as funcións que facían os voluntarios ata agora“, sinalou Alfonso Marnotes.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...