InicioSucesosUn detido por agredir á súa parella durante unha discusión

Un detido por agredir á súa parella durante unha discusión

Cando os axentes chegaron a ese domicilio viron unha muller, sentada no sofá da vivenda chorando, e con lesións no pómulo esquerdo e arañazos na cella do mesmo lado.

PUBLICADO O

- Advertisement -

Axentes da Policía Local de Vigo detiveron a un home de 39 anos de idade, V.S.X., como presunto autor dun delito de violencia de xénero, tras agredir á súa parella no transcurso dunha discusión.

Segundo informaron fontes policiais, os feitos tiveron lugar na noite do martes, cando o 092 recibiu unha chamada para alertar de que un home estaba a agredir á súa parella nun domicilio da rúa Alfonso XIII.

Unha dotación trasladouse ao lugar e, cando estaban a subir as escaleiras do edificio para acceder ao piso onde se produciu os feitos, os axentes cruzáronse cun home. Os policías preguntáronlle se escoitara ruídos ou unha pelexa e este home sinalou que houbera unha discusión entre os 4 moradores dun piso ‘okupado’.

Cando os axentes chegaron a ese domicilio viron unha muller, sentada no sofá da vivenda chorando, e con lesións no pómulo esquerdo e arañazos na cella do mesmo lado. A muller relatou que fora agredida pola súa parella, que resultou ser o home co que os axentes se crizaron ao entrar no edificio.

A pesar de que a vítima manifestou que non tiña intención de presentar denuncia, os axentes detiveron á súa parella como presunto autor dun delito de violencia de xénero.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...