InicioSociedadeÉxito sen precedentes: a primeira Gran Recollida virtual do Banco de Alimentos...

Éxito sen precedentes: a primeira Gran Recollida virtual do Banco de Alimentos de Vigo sáldase con 400 toneladas

Son 85.000 quilos máis que na campaña do ano pasado

PUBLICADO O

- Advertisement -

A primeira Gran Recollida en formato virtual do Banco de Alimentos de Vigo saldouse cun éxito sen precedentes, ao lograrse doazóns que se traducirán en máis de 400.000 quilos de alimentos para repartir entre as persoas máis vulnerables.

Segundo informaron fontes desta ONG, os datos aínda son provisionais, porque faltan por computar os resultados dalgunhas importantes cadeas de alimentación, pero a cifra alcanzada non ten precedentes nos 25 anos de labor humanitario do Banco.

Debido á pandemia de coronavirus, este ano os voluntarios da Fundación Provincial Banco de Alimentos de Vigo non puideron estar fisicamente nos supermercados recollendo as doazóns de alimentos, polo que se cambiou a metodoloxía da campaña e púxose en marcha un sistema de doazóns económicas entregadas nos establecementos, así como achegas ‘en liña’ na web do Banco (e da Federación Española de Bancos de Alimentos), e ingresos vía Bizum.

A organización expresou a súa “emoción” pola resposta da cidadanía que, a pesar do complicado da actual situación, “demostrou ser máis solidaria que nunca, por enriba de pandemias e limitacións”. Así, o presidente do Banco de Alimentos, Pedro Pereira, celebrou que “se superarán con fartura os 400.000 quilos de alimentos”, que supoñen 85.000 quilos máis que na Gran Recollida do ano pasado.

Nas próximas semanas irán chegando aos almacéns do Banco en Vigo e Pontevedra os produtos básicos que se adquirirán coas doazóns e permitirán encher os seus andeis baleiros, polo menos, “ata a primavera de 2021”.

A Fundación Provincial Banco de Alimentos de Vigo, creada hai 25 anos, viu incrementadas as súas peticións de axuda nun 40 % desde que comezou a pandemia. Durante o primeiro semestre de 2020, a entidade repartiu a nivel provincial un total de 1.001.425 kilos de comida, cubrindo así o 35 % das necesidades de susdestinatarios.

ÚLTIMAS

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...