InicioSociedadeA muralla do Castro en Vigo xa loce rehabilitada e con nova...

A muralla do Castro en Vigo xa loce rehabilitada e con nova iluminación

Abel Caballerro celebrou a conclusión das obras, unha "ambición" da cidade por recuperar parte da súa historia.

PUBLICADO O

A muralla do recinto fortificado do Castro, en Vigo, xa loce novo aspecto, tras meses de obras de rehabilitación para repor o seu perímetro, instalar nova iluminación e outras actuacións, nas que se investiron case 750.000 euros (o 75 % financiado polo Ministerio de Transportes, Mobilidade e Axenda Urbana, e o resto polo Concello).

O secretario xeral de Infraestruturas do Ministerio, Sergio Vázquez Torrón, acompañou este martes ao alcalde, Abel Caballero, á presidenta da Deputación de Pontevedra (e tenente de alcalde viguesa), Carmela Silva, e ao delegado de Zona Franca, David Regades, nunha visita ao recinto restaurado.

Vázquez Torrón sinalou que esta actuación “reflicte o compromiso” do Ministerio e do Goberno coa cidade de Vigo, así como co seu patrimonio histórico e axenda urbana, e subliñou que o “dinamismo” da urbe “o merece”.

Pola súa banda, o rexedor celebrou a conclusión das obras, unha “ambición” da cidade por recuperar parte da súa historia. Respecto diso, lembrou que as actuacións se iniciaron coa eliminación do “horrendo pastiche” que era o antigo restaurante encostado á muralla, e que impedía gozar de todo o seu perímetro.

Abel Caballero explicou que, ademais da recuperación da muralla (construída no século XVII, como parte da fortificación do Castro), colocouse nova iluminación, adecuáronse as zonas de árbores e outra vexetación, e estanse acondicionando as galerías soterradas, para que se poidan visitar nun futuro.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...