InicioSociedadeVigo convértese no epicentro da segunda ola en Galicia tras duplicar casos...

Vigo convértese no epicentro da segunda ola en Galicia tras duplicar casos en só 10 días

1 de cada 5 positivos en Galicia dáse na área olívica.

PUBLICADO O

Galicia entra en territorio descoñecido logo de rexistrar por terceiro día consecutivo un novo récord de contaxios diarios. Se o pasado sábado o Sergas informou dun total de 755 novos contaxios, este domingo a cifra total de positivos alcanzou os 785 en 24 horas.

Nin o toque de queda impulsado polo Goberno Central nin as medidas previas son capaces, polo momento, de deter unha segunda ola que medra con cada vez máis forza. Así é que Galicia, de acordo cos datos ofrecidos por sanidade para a mañá deste sábado, sitúase xa en cifras descoñecidas ata o momento: 8.762 casos. A cifra é moi superior ós apenas 3.500 rexistrados o 30 de abril, tralo cambio de conteo das institucións.

Nestas circunstancias, e seguindo as advertencias dos expertos, o virus semella estar a coller forza coincidindo coa chegada do frío e o regreso das actividades laborais e sociais a entornos pechados. A piques de rematar o mes de outubro, e cos datos do Sergas na man, pódese dicir que en 31 días Galicia multiplicou por dous os seus casos, pasando dos 4.251 do 30 de setembro ós case 9.000 antes mencionados.

Con todo, o incremento é moito máis acusado na área de Vigo, que, segundo apuntan os datos, vai camiño de consolidarse como epicentro desta segunda vaga de covid-19. Nos últimos 10 días, a área olívica pasou de 900 casos activos a 1924, un incremento do 113’7% que a sitúa como o punto máis afectado de toda Galicia, moi por diante de A Coruña ou Ourense. Os datos de Vigo chegan a quintuplicarse entre o 7 de outubro (390 casos) e o sábado 31, cando rexistra 4’93 veces máis positivos que entón.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...