O goberno municipal de Vigo segue “estudando” a situación da concesión do servizo de abastecemento e saneamento de auga, que actualmente está prorrogado e cuxo prazo se extingue a finais deste ano.

Nunha rolda de prensa, e a preguntas dos xornalistas, o alcalde, Abel Caballero, afirmou que o goberno local está “a estudar” que fará respecto diso desa concesión, aínda que non aclarou se sairá novamente a concurso ou se haberá unha nova prórroga, como xa se fixo co servizo de bus urbano, que xestiona Vitrasa.

“Hai unhas novas circunstancias, un momento novo, estamos nunha pandemia e hai necesidades de auga novas. Estamos a estudar o que faremos. Non descarto nada”, resolveu o rexedor.