O grupo municipal do PP no Concello de Vigo esixiu este martes ao alcalde da cidade e presidente da Federación Española de Municipios e Provincias (FEMP), Abel Caballero, “que dea a cara” e explique “canto diñeiro dos vigueses vai entregar a Madrid”, en virtude do acordo entre o órgano municipalista e o Executivo de Pedro Sánchez para o uso de remanentes e superávit.

O portavoz ‘popular’, Alfonso Marnotes, lamentou que Caballero “se agocha” tras o seu cargo como presidente da FEMP, e instoulle a comparecer no pleno para dar explicacións “ante os vigueses” e para aclarar “por que se van a baleirar as contas do Concello”.

“Para que llo gaste Madrid? Para recibir un préstamo?”, cuestionou Marnotes, quen lembrou que ese diñeiro non se poderá utilizar “nin para ter máis policías, nin máis bombeiros nin máis asistentes sociais”.

O PP vigués lembrou que os remanentes do Concello son resultado do esforzo dos cidadáns e da “incapacidade” do goberno local de executar os investimentos, polo que reclamou “que o diñeiro dos vigueses quede en Vigo”.