InicioVigo e contornaVigoFunerais reivindicativos pola "morte da sanidade pública" en varios puntos da provincia

Funerais reivindicativos pola “morte da sanidade pública” en varios puntos da provincia

Cirios, cruces e esquelas adornan os centros de saúde de Arcade, Soutomaior e Ponte Sampaio en protesta polos recortes da Xunta,

PUBLICADO O

- Advertisement -

As contornas dos centros de saúde de Arcade, Soutomaior e Ponte Sampaio apareceron esta mañá ateigados de cruces, velas e coroas de flores para denunciar o desmantalamento da sanidade pública destes municipios. Este “velorio reivindicativo” foi iniciativa das veciñanzas das marxes do verdugo e estivo apoiado polo BNG de Soutomaior; que ao igual que a plataforma veciñal en defensa da sanidade pública de Ponte Sampaio – Canicouva, levan varios meses denunciando os recortes que o SERGAS está a levar adiante nestas vilas.

A este respecto, os representantes da Plataforma de Ponte Sampaio-Canivouva  destacaron que “a situación que estamos a vivir na nosa parroquia é un sin sentido absoluto no que se algo vai quedando claro é que o SERGAS pretende que as veciñas de Ponte Sampaio queden definitivamente sen consultorio. Cada día poñen unha excusa diferente para ter o consultorio pechado. Só temos excusas e mentiras” apuntan. Con todo, os veciños advirten que esta acción supoñerá o inicio dunha “batería permanente de iniciativas en defensa da sanidade pública”. “Non imos permitir que empreguen á saúde dos nosos veciños nin como un negocio nin como unha moeda de cambio”, censuran.

Nunha dimensión paralela, o portavoz municipal do BNG en Soutomaior Manu Lourenzo fixo fincapé na “unión” do pobo en defensa “da saúde dos nosos fillos e dos nosos maiores, e por iso no Partido Popular deben saber que isto non fixo máis que empezar e que chegaremos ata onde sexa necesario para impedir que fagan negocio coa saúde da nosa veciñanza”

CRUCES, CIRIOS E COROAS DE LOUREIRO

Este velatorio reivindicativo tivo lugar de xeito simultáneo diante dos Centros de Saúde de Arcade, de Soutomaior e de Ponte Sampaio. Neste acto, que foi retransmitido en directo por varias redes sociais, os asistentes encheron de cruces nas que se podía ler “DEP Sanidade Pública” as contornas dos tres centros de saúde. Ademais das cruces, os asistentes prenderon cirios, pousaron coroas de loureiro nas portas dos consultorios e mesmo fixeron unha esquela que se pegou pola contorna na que anuncian novas mobilizacións en defensa da sanidade pública.

ÚLTIMAS

Piden 13 anos para un adestrador por supostos abusos a unha xogadora menor de idade en Vigo

Un adestrador de fútbol feminino enfróntase a penas que suman 13 anos de prisión, como...

Caballero denuncia a discriminación da Xunta a Vigo mentres “quere que quedemos calados”

O alcalde de Vigo, Abel Caballero, respondeu este mércores á "man tendida" e á...

Multa de 100 millons a Stellantis polo fraude no cártel de reciclaxe

Volkswagen, Stellantis e outros fabricantes de coches foron multados con 458 millóns de euros...

Petición de catro anos de cárcere para unha muller por ameazar cunha pistola a un coñecido en Vigo

A Fiscalía pide 4 anos e 1 mes de prisión para unha muller acusada...