InicioSociedadePremiado un sistema vigués que detecta condutas irresponsables no control da COVID-19

Premiado un sistema vigués que detecta condutas irresponsables no control da COVID-19

Permite aos comerciantes recibir alertas en tempo real se os clientes non usan máscara ou non respectan a distancia de seguridade.

PUBLICADO O

- Advertisement -

Os Premios de Transferencia de Tecnoloxía en Galicia recoñeceron na súa sexta edición un sistema de visión artificial que é capaz de detectar condutas irresponsables no control da COVID-19, a un composto farmacolóxico para evitar efectos negativos da radioterapia e a quimioterapia na pel dos pacientes que as reciben e unha verniz de uñas medicamentosa contra infeccións por fungos.

En concreto, o premio Ricardo Bescansa Martínez distingue o traballo da ‘spin-off’ da Universidade de Vigo RelEYEble como o mellor caso de éxito empresarial de transferencia de tecnoloxía por un software de visión artificial que pode medir as audiencias de soportes publicitarios e rexistrar as reaccións das persoas.

A información que obtén é de valor para anunciantes e xestores para as súas campañas ou o deseño de escaparates, entre outros aspectos, pero o produto tamén se adapta ás necesidades xurdidas da crise sanitaria, cun sistema que permite aos comerciantes recibir alertas en tempo real se os clientes non usan máscara ou non respectan a distancia de seguridade.

Estas tecnoloxías derivan do traballo en I+D da análise facial feito nos últimos 15 anos no Grupo de Tecnoloxías Multimedia da Universidade de Vigo. A empresa foi desenvolvendo o seu software e na actualidade permite ter en tempo real información de canta persoas están ante unha pantalla, o seu sexo e idade estimada e a emoción que senten.

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...

Detido un mozo de 28 anos tras saltar unha orde de afastamento por segunda vez nunha semana

A Policía Local detivo por segunda vez nunha semana a un mozo, R.L.F.F. de...

Caballero di que a Xunta “mente” sobre as obras na cidade: “o túnel de Elduayen está parado”

O alcalde de Vigo, Abel Caballero, e a Xunta de Galicia volveron a protagonizar...