Axentes da Policía Local de Vigo tramitaron denuncia penal contra unha condutora que foi interceptada circulando cunha taxa de alcoholemia que cuadriplicaba a máxima permitida e tras cometer unha infracción de tráfico.
Segundo informaron fontes policiais, os feitos ocorreron na madrugada deste mércores, cando unha dotación do 092 interceptou a unha condutora que acababa de cometer unha infracción de tráfico na rúa Rosalía de Castro.
Ao identificar á muller, unha moza de 24 anos de idade, os axentes decatáronse de que presentaba síntomas de estar baixo a influencia de bebidas alcohólicas, polo que se lle fixeron as probas.
O test arroxaron un resultado de 0,97 mg/l e 1,09 mg/l polo que foi denunciada por vía penal, como presunta autora dun delito contra a seguridade viaria.