A xerencia de Urbanismo do Concello de Vigo aprobará a próxima semana a incoación de expediente para cambiar o uso dunha parcela municipal na rúa Esturáns, co fin de habilitala para trasladar alí o parque de bombeiros que, actualmente, atópase nos baixos do estadio de Balaídos.

Así o avanzou o alcalde, Abel Caballero, que explicou que, na mesma sesión da Xerencia (prevista o martes) quedará aprobada a notificación da resolución ao departamento municipal de Extinción de Incendios e Salvamento para o seu coñecemento, así como ao resto de departamentos que teñen competencias nesta materia.

Segundo explicou o rexedor, a decisión do traslado do parque adoptouse en base ás consideracións técnicas dos propios responsables do servizo de extinción. Así, o traslado farase efectivo en canto a nave de Esturáns teña as adaptacións necesarias.