InicioSucesosDetido un home con 29 antecedentes por vender droga en Vigo

Detido un home con 29 antecedentes por vender droga en Vigo

Aconteceu na zona da Florida.

PUBLICADO O

- Advertisement -

Axentes da Policía Nacional da Comisaría de Vigo detiveron un veciño da cidade, de 49 anos de idade, como presunto autor dun delito contra a saúde pública, por vender droga na zona da Florida.

A investigación iniciouse a finais do pasado mes de abril, despois de que a Policía tivese coñecemento da existencia dun posible ‘punto negro’ de venda de drogas nese barrio.

Os operativos de vixilancia permitiron descubrir a trasfega de supostos compradores, que acudían a un alpendre situado entre a Avenida da Florida e a rúa Tui. Alí realizaban un rápido intercambio cun home, antes de abandonar a zona.

A Policía despregou un dispositivo para deter o presunto traficante, ao que interceptaron cando se dirixía a realizar outra venda de estupefacientes. Ao cachealo, os axentes atopáronlle varias papelinas de cocaína e heroína, e outros efectos usados para o tráfico de drogas, polo que foi detido.

Unha vez trasladado a Comisaría, comprobouse que lle constan outras 29 detencións anteriores. O arrestado e as dilixencias practicadas foron postos a disposición do xulgado de instrución de garda en Vigo.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...