InicioSociedadeA Xunta advirte que a proposta para desenvolver o Barrio do Cura...

A Xunta advirte que a proposta para desenvolver o Barrio do Cura “está fóra do marco legal”

Propón que se deixe fóra a área BIC do Casco Vello (actualmente incorporada) ou leve a cabo ese desenvolvemento urbanístico mediante a figura dun Plan Especial.

PUBLICADO O

- Advertisement -

A Dirección Xeral de Patrimonio Cultural da Xunta de Galicia remitiu un informe ao Concello do Vigo no que lle advirte de que a tramitación da modificación puntual da PXOM para reodernar o ámbito do Barrio do Cura “está fóra do marco legal”.

Segundo informou a administración autonómica a través dun comunicado, pediu unha serie de correccións para poder dar a súa visto e prace á devandita tramitación. Así, propón que, para continuar con esa modificación puntual do Plan Xeral de Ordenación Municipal, ou ben se deixe fóra a área BIC do Casco Vello (actualmente incorporada), ou ben leve a cabo ese desenvolvemento urbanístico mediante a figura dun Plan Especial.

A Xunta, que insistiu en que apoia o “crecemento” do Barrio do Cura, lembrou que a zona vella de Vigo foi declarada ben de interese cultural (BIC) coa categoría de conxunto histórico en 2006.

Na proposta actual do concello olívico, o ámbito de modificación para o Barrio do Cura inclúe parte da zona histórico-artística e da chamada ‘zona de respecto’ do Casco Vello, e Patrimonio advertiu de que a regulación dese espazo debe facerse mediante un plan especial de protección (que debería ser redactado polo propio concello).

Á marxe destas consideracións, o goberno galego tamén sinalou que a proposta de modificación puntual “non difire de modo substantivo, no que a afección ao patrimonio cultural refírese, do Plan Especial de Reforma Interior do Barrio do Cura” (aprobado por Patrimonio Cultural en 2014).

Así, os técnicos da Xunta apuntaron “de modo exacto” as correccións precisas que se deben incorporar, para “axilizar ao máximo a aprobación definitiva”, tendo en conta “a importancia que terá o desenvolvemento do Barrio do Cura para o futuro da cidade de Vigo”.

Finalmente, o goberno galego lamentou que a “complexidade” actual para poder desenvolver ese ámbito é unha “consecuencia” da anulación da PXOM de 2008 (que afectou, á súa vez, ao PERI aprobado en 2014).

ÚLTIMAS

O xulgado solicita á Policía Local información e documentos sobre o ‘Saltamontes’ no que morreu un mozo en 2024

O xulgado de instrución 3 de Vigo, que investiga o accidente sucedido en agosto do...

Stellantis Vigo volve apelar á “flexibilidade” e redución de custos ante a competencia “desapiadada”

O director de Stellantis Vigo, José Luís Alonso Mosquera, apelou este venres á "flexibilidade"...

O financiamento de ‘Peiraos do Solpor’ enfronta a Caballero e Autoridade Portuaria, que se piden mutuamente “lealdade institucional”

O alcalde de Vigo, Abel Caballero, arremeteu novamente este xoves contra o Porto olívico, ao que...

Carla Simón desenterra en Cannes os recordos dunha xeración “perdida” pola sida co filme ‘Romería’, rodada en Vigo

A cineasta Carla Simón desenterrou no Festival de Cannes os recordos da xeración dos...