InicioCulturaArmadores de Vigo convocan un concurso de redacción e pintura para a...

Armadores de Vigo convocan un concurso de redacción e pintura para a rapazada

Buscan fomentar a pesca sustentable entre a comunidade escolar a través de distintas accións.

PUBLICADO O

- Advertisement -

A Cooperativa de Armadores de Pesca do Porto de Vigo (ARVI) convocou o concurso estatal de redacción e pintura ‘Grumetes Sustentables-Ecoseas’, dirixido a nenos de entre 6 e 12 anos de todo o estado.

Este concurso enmárcase no proxecto ‘Grumetes Sustentables/Children for Sustainable Seas (ECOSEAS)’, que conta coa colaboración da Fundación Biodiversidade, do Ministerio para a Transición Ecolóxica e o Reto Demográfico, e que ten como finalidade fomentar a pesca sustentable entre a comunidade escolar a través de distintas accións.

Entre esas accións está este concurso de redacción e pintura, cuxo prazo de inscrición de abre este xoves (ata o 31 de maio). Os participantes agruparanse en dúas categorías: de 6 a 9 anos (na que se premiarán o mellor debuxo realizado con calquera técnica manual e que reflicta como mellorar a saúde dos oceános a través dunha pesca responsable), e de 10 a 12 anos (na que se premiará a mellor redacción sobre o futuro dos mares e oceános, e da pesca sustentable).

O premio para cada unha das categorías consistirá nunha estancia paga de tres días na cidade de Vigo para coñecer e visitar o Porto e a lonxa de peixe, a Cooperativa de Armadores, visitar as illas Cíes, o Museo do Mar ou o Instituto de Investigacións Mariñas (todo iso, unha vez que se eliminen as restricións do estado de alarma).

O xurado do concurso estará formado por representantes de colectivos pesqueiros, de Teachers for Future, ou da ONG Sustainable Fisheries Partnership, entre outros.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...