InicioSucesosArquivada a causa contra dous detidos por incumprir o confinamento

Arquivada a causa contra dous detidos por incumprir o confinamento

O xuíz considerou que comportamento destas persoas, que "viven na marxinalidade social", podería implicar "un incumprimento de carácter administrativo, pero non a comisión dun delito de desobediencia".

PUBLICADO O

- Advertisement -

O Xulgado de Instrución número 4 de Vigo decretou o sobresemento provisional e arquivo das actuacións nas que se investigaba pola suposta comisión dun delito de desobediencia a dous homes interceptados na urbe en dúas ocasións mentres incumprían o confinamento.

No auto, contra o que cabe recurso, detallouse que estes homes foron interceptados en dúas ocasións na rúa Urzáiz o día 22 de abril, así como que foron detidos no segundo caso por incumprir o confinamento. Ademais, indicouse que, polos mesmos motivos, un destes homes fora proposto para sanción administrativa en oito ocasións anteriores e, o outro, en tres.

A ese respecto, o titular do xulgado considerou que este comportamento podería implicar “un incumprimento de carácter administrativo, pero non a comisión dun delito de desobediencia” dado que “non consta que se lles requiriu, con carácter previo, e de forma expresa e clara, para que non estivesen na rúa”. Tamén incidiu en que “tampouco é constitucionalmente lícito criminalizar unha infracción administrativa polo mero feito da súa repetición”.

Así, o xuíz remarcou que “non se pode entender, nin sequera de forma indiciaria” que os investigados “tivesen a crenza de que de forma grave obstaculizaban de maneira relevante o cumprimento da finalidade do estado de alarma”.

SITUACIÓN SOCIAL

Así mesmo, explicou que se trata de persoas que “viven na marxinalidade social” das que unha se atopa domiciliada nunha casa okupa. Tamén se indicou que a outra “reside case con toda seguridade na rúa ou nunha casa tamén ocupada de forma ilegal”, xa que foi proposta para sanción en varias ocasións en Vigo durante o último mes.

ÚLTIMAS

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...

Detido en Vigo un home por dous ataques consecutivos á Policía Local nun só día

Axentes da Policía Local de Vigo detiveron a un cidadán estranxeiro, A.M., de 30...

Detido en Vigo con haxix, cocaína e máis de 1.300 euros en efectivo

Axentes da Policía Local de Vigo detiveron a un home de 44 anos de...

Vigo declara deserta a licitación do mercadillo de Nadal

O Concello de Vigo declarou "deserta" a licitación para a instalación do mercadillo do...