InicioSucesosDetido un octoxenario en Vigo por maltratar e ameazar a súa parella

Detido un octoxenario en Vigo por maltratar e ameazar a súa parella

A muller, de 70 anos, asegurou que esta persoa protagonizara episodios de violencia de xénero contra ela durante toda a súa vida.

PUBLICADO O

Un home de 80 anos residente en Vigo, M.M.N., foi detido tras, supostamente, agarrar fortemente polo pescozo á súa parella e proferir ameazas de morte contra ela.

Fontes policiais concretaron que os axentes foron contactados este luns sobre as 13,59 horas por un home que explicou que a súa nai, domiciliada no barrio vigués de Coia, lle pedira auxilio. Dado que este home residía noutra comunidade e non dispuña de capacidade para atendela a curto prazo, decidiu pór esta situación en coñecemento da Policía Local, que mobilizou unha patrulla ata a zona.

Unha vez no lugar, os axentes entrevistáronse coa vítima, unha muller de 70 anos que presentaba ansiedade. Así, explicou que o día anterior a súa parella a agarrara fortemente polo pescozo e que a ameazara de morte. Tamén indicou que, despois de que este home abandonase o domicilo, ela púxose en contacto co seu fillo.

Ademais, asegurou que esta persoa protagonizara episodios de violencia de xénero contra ela durante toda a súa vida, así como que a insultaba a diario. Por iso, expresou a súa intención de interpor a correspondente denuncia.

Os axentes tamén se entrevistaron coa súa parella, que recoñeceu que discutía habitualmente con esta muller, pero negou insultala ou tela agredido. Con todo, foi detido pola suposta comisión dun delito de malos tratos, tras o que pasou a disposición xudicial.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...