O número de falecidos diagnosticados de coronavirus en Galicia elevouse a 424 persoas, tras rexistrarse outras 9 mortes en hospitais de Galicia, segundo informou este venres a Consellería de Sanidade, que tamén comunicou que, nas últimas 24 horas (este xoves), non se notificou ningún falecemento en residencias de maiores.
Así, Sanidade informou da morte dun home de 78 anos de idade e unha muller de 98 anos, que estaban ingresados no hospital vigués Povisa; dun home de 86 anos e unha muller de 87 anos, ingresados no Complexo Hospitalario Universitario de Santiago (CHUS); e dun home de 75 anos atendido no Complexo Hospitalario da Coruña (CHUAC).
Tamén faleceron nas últimas horas un home de 87 anos de idade, no Complexo Hospitalario de Ourense (CHUO); un home de 68 anos no Hospital da Mariña de Lugo; outro home, de 84 anos, ingresado no Complexo Hospitalario Universitario de Vigo (CHUVI) e un home de 85 anos, que estaba no Hospital Comarcal de Valdeorras (Ourense).
Toda a información en Galicia Confidencial.
