As mostras de solidariedade cada vez son máis nestes días de crise. Desta volta, algúns dos afeccionados máis incondicionais do RC Celta de Vigo, ‘Tropas de Breogán’ e ‘Celta Vigo Hooligans‘ están a axudar ao noso persoal sanitario da maneira que poden.
O pasado mércores 25, os ‘Celta Vigo Hooligans’, achegáronse ao hospital de Povisa para levarlle comida e bebida a todo o persoal sanitario. “Queremos agradecer ao persoal sanitario o seu esforzo e dedicación nestas duras xornadas”, sinala o grupo nun comunicado ao que tivo acceso Xornal de Vigo e engaden, “nun mundo movido polos intereses, onde sempre se maltratan aos mesmos, nós sabemos quen nos coida”.
Ademais, “estamos organizando doazóns de material sanitario para os hospitais que o precisen”, relata un membro deste colectivo e manifesta que están a negociar co Concello “doazóns para a xente sen recursos do pavillón do Berbés”.
UN CROWFUNDING PARA A SANIDADE PÚBLICA
Por outra banda, o grupo de siareiros de ‘Tropas de Breogán organizou un crowfunding. Teñen o obxectivo de “recadar fondos que nos permitan
axudar a aliviar as urxentes necesidades sanitarias de distintas residencias, centros e asociacións a nivel local a pequena escala”, sinalan nun comunicado.
Ademais, lanzan a súa forza “a tódalas persoas traballadoras e voluntarias que se están deixando a pel nesta loita“. A campaña durará 7 días, xa ten case 100 doantes e busca chegar ao 3000 euros. Se queres participar neste crowfunding, podes facelo a través deste enlace.
Dende hoxe e durante os vindeiros 7 días teremos aberto este humilde proxecto.
— Tropas De Breogán (@Tropasdebreogan) March 27, 2020
Colabora coa nosa campaña solidaria contra o Covid-19.
Este encontro xogámolo tod@s!
TDBhttps://t.co/jplDidc1ed pic.twitter.com/aLBY5Y62WE
CVH TAMBÉM ESTÁ COS SANITARIOS. Pola unión de traballadores e traballadoras, loitando contra estes momentos difíciles. Toda axuda é pouca, e a nosa solidariedade sempre estará con vós
— CELTA VIGO HOOLIGANS (@celtavigohools) March 25, 2020pic.twitter.com/AkwAHOYd3c
