O Goberno designou a Casimiro Iglesias (Vigo, 1959), actual director de Negocio Nacional de Ineco, para que se poña á fronte da nova Dirección Xeral de Planificación e Avaliación da Rede Ferroviaria do Ministerio de Transportes, Mobilidade e Axenda Urbana.

A nova Dirección Xeral, ‘herdeira’ da ata agora Dirección Xeral de Ferrocarril, é froito da nova política do Ministerio, máis centrada na mobilidade e o transporte que na construción de novas infraestruturas.

O novo director xeral, de 61 anos de idade e enxeñeiro de camiños, conta cunha ampla traxectoria no Departamento, primeiro no Ministerio e, posteriormente, en Ineco, a consultora pública dependente do mesmo.

No ata agora denominado Ministerio de Fomento, Casimiro Iglesias ocupou entre 1994 e 2009, entre outros cargos, os de director técnico da Subdirección Xeral de Plan de Infraestruturas, xefe do Gabinete Técnico do Secretario Xeral de Infraestruturas ou o de director xeral de Planificación e Coordinación Territorial.

En 2009 Iglesias incorporouse a Ineco onde, desde 2018, exercía como director xeneral de Negocio Nacional. Previamente, ocupou os postos de director de Consultoría, de director de Negocio Intermodal, e de Negocio Aeronáutico e Intermodal, entre outros.