InicioMedio Ambiente e PatrimonioPiden axuda para deseucaliptizar Vigo e Cangas

Piden axuda para deseucaliptizar Vigo e Cangas

Verdegaia busca "a transformación dunha zona degradada polos efectos do lume e por décadas de monocultivo de eucalipto nun auténtico bosque, rico e biodiverso".

PUBLICADO O

Entre o 1 e o 7 de marzo hai organizadas unha serie de xuntanzas en Coruxo (Vigo) e en Hío (Cangas) para retirar os eucaliptos “invasores” da zona. Aseguran desde a organización, Verdegaia, que non serán as únicas da semana.

En primeiro lugar, a Comunidade de Montes de Coruxo, adicaranse a plantar especies autóctonas galegas nestas zona. A asociación, que desenvolve unha intensa actividade de restauración ambiental do seu territorio, buscan, “a transformación dunha zona degradada polos efectos do lume e por décadas de monocultivo de eucalipto nun auténtico bosque, rico e biodiverso“.

Quedarán no seu local nesta ubicación e, os menores de 16 anos, deben ir acompañados dun adulto. “Recomendamos levar unha sacha ou laia“, manifestan nun comunicado de prensa”.

A ZONA DE HÍO

Por outra banda, a Comunidade de Montes Veciñais do Hío (Cangas) convocan a súa primeira intervención en colaboración coas Brigadas Deseucaliptizadoras de Verdegaia o sábado 7 de marzo. “Imos arrincar e descascar acacias na zona dunar de Nerga, no LIC Costa da Vela. É un traballo que dividiremos en grupos. Unhas arrancarán novas plantas e outras serán descascadas. Outro grupo encargarase tamén da retirar unhas Herbas da Pampa”, explican nunha nota de prensa.

O punto de encontro é nesta ubicación o sábado ás 10:00h. “Estamos a tempo de salvar o futuro do monte galego, así como o noso espazo como parte dunha natureza que, en definitiva, é a casa de todas e todos”, defenden desde este colectivo.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...