InicioSucesosArquivado o caso da explosión provocada por un home na casa da...

Arquivado o caso da explosión provocada por un home na casa da súa exparella en Chapela, na que morreron os dous

PUBLICADO O

- Advertisement -

O xulgado de instrución número 2 de Redondela (Pontevedra) decretou o sobresemento e arquivo das actuacións abertas por mor dunha explosión provocada por un home na casa da súa exparella na parroquia de Chapela, e na que morreron ámbolos dous.

Segundo informaron fontes xudiciais, despois das dilixencias practicadas, confirmouse que foi o home, Emilio F.C., o que provocou a deflagración, “sen que aparecesen indicios da participación dunha terceira persona”. Ao falecer o presunto autor dos feitos, declárase o sobresemento libre.

Este episodio de violencia machista tivo lugar na tarde noite do 20 de febreiro de 2017, cando se produciu unha gran explosión nunha vivenda unifamiliar do Camiño Pousadoura, na parroquia redondelana de Chapela. A deflagración causou danos importantes na estrutura da casa, e causou a morte de quen provocou dita explosión, un home de 47 anos de idade, e da súa exparella, que vivía nesa casa, María José M.G., de 50 anos.

Os bombeiros atoparon restos de bombonas de butano manipuladas e un bidón de gasolina, e todo indicaba que Emilio F.C. “tiña todo preparado” para provocar o fatal desenlace, segundo chegou a sinalar no seu día o delegado do Goberno en Galicia, Santiago Villanueva.

No momento do suceso, só a muller e a súa exparella estaban na vivenda. Ambos tiñan en común un fillo menor de idade, que quedou ao cargo de familiares.

ÚLTIMAS

Detido en Vigo tras agredir á súa parella en presenza do seu fillo menor

Axentes da Policía Local de Vigo detiveron a un veciño da cidade de 55...

Unha vía de auga provocou o naufraxio dun pesqueiro da Guarda nas Azores

O palangreiro galego 'Nuevo Salmón', con base no porto da Guarda, que naufragou nas...

O BNG denuncia que o ximnasio de O Berbés carece de seguro de accidentes

O grupo municipal do BNG no Concello de Vigo esixiu explicacións ao goberno local...

Vigo únese ás mobilizacións de apoio á Flotilla Global Sumud

A cidade de Vigo sumarase este sábado ás mobilizacións de apoio á Flotilla Global...