InicioSociedadeO goberno de Vigo critica as "escusas" da Xunta ás obras do...

O goberno de Vigo critica as “escusas” da Xunta ás obras do Ifevi porque “non atopa os 5 millóns”

Rueda insiste en que o goberno galego está "totalmente a favor" desa actuación.

PUBLICADO O

- Advertisement -

O goberno municipal de Vigo criticou este martes as “escusas” que, ao seu xuízo, está a pór a Xunta para “atrasar” as obras de ampliación do Instituto Feiral da cidade (Ifevi), porque “non atopa os 5 millóns” que custará esa actuación.

Así o trasladou en rolda de prensa a concelleira de Urbanismo, María José Caride, quen recalcou que, ao contrario do que sostén a administración galega, “non hai nada na lei que impida” ao goberno autonómico solicitar os informes sectoriais necesarios mentres se está en fase de información pública.

Despois de que a Xunta precisase que non pode solicitar ditos informes ata que finalice o prazo de exposición pública (o 24 de febreiro), a edila socialista recalcou que a administración autonómica si pode facelo e que iso permitiría “solapar” prazos e axilizar a tramitación.

Así mesmo, volveu insistir en que o Concello olívico remitirá ao goberno galego o seu informe favorable “ao día seguinte” de finalizar ese prazo. “Fixo falta que o presionase Conxemar, o Concello e o propio Ifevi para que tramitase este proxecto como o que é, urxente e de especial interese, e aínda así pon obstáculos”, denunciou.

Para Caride, a Xunta “está a tardar” en solicitar os informes sectoriais, do mesmo xeito que “está a tardar en licitar as obras” e engadiu que “parece que non atopa os 5 millóns” que custará a actuación. “A partir de aí, pon escusas, atrasa informes…”, apostilou.

DISPOSICIÓN DA XUNTA

Pola súa banda, o vicepresidente do goberno galego, Alfonso Rueda, preguntado por esta cuestión durante unha visita ao barrio de Navia, reiterou que o goberno galego está “totalmente a favor” da ampliación do Ifevi, como o demostran os 11 millóns que, entre a primeira e a segunda ampliación, destináronse a esas actuacións.

Segundo Rueda, o goberno galego está “a esperar” a que termine o prazo de información pública e que o Concello remita o seu informe, así como que envíe o informe negativo de Navegación Aérea que, apuntou, foi o que impediu que a obra se puidese facer con licenza directa.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...