InicioSociedadeUnha asociación internacional selecciona un proxecto do Porto de Vigo entre os...

Unha asociación internacional selecciona un proxecto do Porto de Vigo entre os mellores no referente á integración coa cidade

A selección de 'Peiraos do Solpor' como finalista dos premios da asociación de portos permitirá visibilizar e outorgar recoñecemento a nivel internacional a esta iniciativa, así como reforzar o seu carácter verde e innovador.

PUBLICADO O

- Advertisement -

A Asociación Internacional de Portos seleccionou o proxecto ‘Peiraos do Solpor’ da terminal de Vigo entre o tres mellores a nivel mundial na integración Porto-Cidade, na categoría ‘Diálogo coa comunidade e a cidade portuaria’.

Tal e como trasladou o Porto de Vigo nun comunicado, esta iniciativa, enmarcada na súa estratexia de crecemento azul, presentouse en decembro ao premio que organiza a asociación internacional, onde competiu contra outros 45 proxectos. Posteriormente, ‘Peiraos do Solpor’ foi seleccionado para participar na votación final, na que se enfrontará a un consorcio de portos de Estados Unidos e Canadá e a un proxecto dun porto coreano.

Deste xeito, as tres propostas someteranse a unha votación pública, que permanecerá aberta ata o 29 de febreiro nesta páxina web. Os resultados das preferencias da cidadanía e o voto do xurado permitirán determinar os gañadores das distintas categorías. Daranse a coñecer a Conferencia Mundial de Portos que se celebrará en Anveres (Bélxica) o 18 de marzo.

A Asociación Internacional de Portos promove unha estratexia de sustentabilidade en colaboración con Word Port Climate Iniciative (WPCI) desde hai anos e, en concreto, busca potenciar a participación de terminais europeas. A Autoridade Portuaria de Vigo participa desde 2019 nesta entidade e colabora con iniciativas enmarcadas na súa estratexia de crecemento azul.

A selección de ‘Peiraos do Solpor’ como finalista dos premios da asociación de portos permitirá visibilizar e outorgar recoñecemento a nivel internacional a esta iniciativa, así como reforzar o seu carácter verde e innovador.

PROXECTO

Mentres, este proxecto de xardíns mariños atópase en execución. De feito, o pasado mes de marzo colocáronse as primeiras estruturas e o proxecto do observatorio submarino, que estará situado en lazona da Laxe, atópase en fase de deseño. Deste xeito, búscase ofrecer un “miradoiro ao mar” para Vigo e o seu Porto a través da ría.

Tamén, a empresa israelí especializada en proxectos ecolóxicos Econcrete e a Universidade de Vigo (UVigo) traballan no deseño de estruturas ou arrecifes submarinos mediante impresoras 3D.

ÚLTIMAS

Morre unha muller tras esborrallarse en pleno centro de Vigo

Unha muller de 56 anos de idade, M.A.S.M.,  faleceu na mañá deste venres en...

Tenta tirar pola xanela á súa parella tras unha discusión nun piso da rúa Pazo

Axentes da Policía Local detiveron a un veciño da cidade, M.F.C., de 41 anos, como presunto...

Queres saber como é a nova torre de control dixital de Peinador?

Trece monitores de 55 polgadas cada un que recollen as imaxes captadas por máis...

O conselleiro de Sanidade sobre a próxima entrada en vigor do novo contrato de Povisa: “Ninguén vai obrigado”

O conselleiro de Sanidade, Antonio Gómez Caamaño, ratificou este mércores que para abril --o...