InicioSociedadeA veciñanza de Bouzas denuncia o abandono do barrio

A veciñanza de Bouzas denuncia o abandono do barrio

Demanda arranxos e mantemento no seu paseo marítimo. Consideran que a zona está "olvidada" polas institucións.

PUBLICADO O

- Advertisement -

Un movemento espontáneo creado no barrio vigués de Bouzas denuncia o estado de deterioro no que se atopa. O movemento, baixo o nome de ‘Bouzas Abandonada’ demanda, entre outras, o arreglo do paseo marítimo de Valentín Paz Andrade, que leva máis de 500 días valado e sen posibilidade de acceso tras a caída dun camiñante no verán de 2018. Con todo, afirman que non saben exactamente os motivos polos que o paseo está pechado.

Os mesmos veciños organizaron unha pegada masiva de carteis en xullo de 2019 a modo de protesta. Operarios do Concello de Vigo retiráronnos. Os veciños voltaron a pegar carteis, desta volta aludindo a “ataques á liberdade de expresión” por parte do Concello. Continuaron con este ‘tira e puxa’ ata este último domingo, cando a veciñanza volvou a pegar novos carteis.

O alcalde de Vigo, Abel Caballero, confirmou o pasado luns os contactos do goberno municipal coa Dirección de Costas (dependente do Ministerio de Transición Ecolóxica) para lograr a cesión gratuíta ao Concello dunha parte do Paseo de Bouzas. En cambio, na oposición política, Xabier Pérez Igrexas do BNG asegura que “nos orzamentos do 2020 hai 0 euros adxudicados para o paseo”.

“Non estamos en contra de ningunha institución en concreto, Concello, Porto e Xunta atribúense as culpas e a casa segue sen barrer” asegura unha veciña do barrio. Ademais, denuncian a “lentitude e marxinación” en canto á resolución dos problemas por parte das administracións.

Explican desde o movemento veciñal que entregaron no pasado un escrito que quedou sen reposta. “Queremos que se nos escoite; queremos ser as asesoras e asesores de a pé do persoal técnico dos diversos estamentos. Quen sabe mellor o que funciona, non funciona, precísase, sobra que as persoas que habitan un lugar?” declaran no comunicado dos veciños. “O paseo tal e como estaba deseñado conseguía unha integración moi boa. Só precisaba mantemento” engaden os veciños.

Demandan ás institucións “un modelo de barrio enfocado na cidadá e cidadán que o habita”. “Bouzas é mar, Bouzas é vila histórica, mariñeira e cun patrimonio industrial que queremos defender” continúan.

Ademais, aproveitan para “defender o medioambiente e sustentabilidade” da zona, xa que denuncian “os recheos da Ría de Vigo, a ‘estratexia azul’ presentada pola autoridade portuaria en Vigo” así coma a petición da “revisión dos recheos na zona e investimentos sostibles, pensando no longo prazo, no mar e no planeta”. “Fuximos de obras colosais axenas ao sentir de Bouzas” conclúen.

ÚLTIMAS

Caballero pide unha reunión urxente con Xunta, Deputación, Goberno e Celta para pactar a reforma de Balaídos

O alcalde de Vigo, Abel Caballero, propuxo unha reunión este venres, día 20 de...

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...