InicioSociedadeMédicos da Primaria advirten: o "aparato" despregado pola Xunta "non funciona"

Médicos da Primaria advirten: o “aparato” despregado pola Xunta “non funciona”

a Atención Primaria segue estando "no punto de partida", denuncian.

PUBLICADO O

- Advertisement -

Os médicos e pediatras de Atención Primaria de Vigo denunciaron este xoves que os problemas nas súas consultas e centros de saúde, por falta de recursos humanos e xestión deficiente, persisten a pesar das medidas anunciadas por Sanidade e do “aparato” despregado pola Xunta.

Así o trasladou unha portavoz do colectivo, Pilar Fandiño, que leu un comunicado durante a concentración celebrada este mediodía ás portas do centro de saúde de Rosalía de Castro (tamén houbo concentracións noutras cidades galegas), con motivo da segunda xornada de folga protagonizada por estes profesionais.

Segundo lembrou, este “conflito” na Atención Primaria galega segue “aberto” despois dun ano porque persisten situacións como o persoal “insuficiente” de médicos de familia e pediatras, o “fluxo sobredimensionado de pacientes” e, como consecuencia, a imposibilidade de prestar unha atención “coa dignidade e a calidade necesarias”.

Fandiño lamentou que, un ano despois, tras dúas convocatorias de folga (tres no caso da área de Vigo, onde chegaron a dimitir 23 xefes de servizo e unidade), a Atención Primaria segue estando “no punto de partida”, a pesar de “todo o aparato despregado pola administración”.

Segundo apuntou, creáronse “unha infinidade de comisións de traballo, consellos e comités” que “traballan en paralelo e sen interconexión racional“, e cualificou a situación como “crise non resolta” , á vez que incidiu: “Non pedimos o imposible, nin sequera o óptimo, só pedimos o adecuado”.

Na mesma liña, outro dos portavoces da Asemblea de Áreas Sanitarias, Alberto García Pazos, criticou que “a maior parte” das medidas anunciadas por Sanidade “eran teóricas” e, en todo caso, “non funcionaron”. Así, advertiu de que os médicos queren “feitos, non presentacións, folios e máis papeis”, porque case a metade deles estará en idade de xubilarse en cinco anos e non hai substitución.

García Pazos, que volveu lamentar que o conselleiro de Sanidade “nin sequera” quere escoitar os médicos e se escuda nas comisións, tamén se referiu á docencia que estes profesionais imparten, e reiterou que, se esta folga non fai “reflexionar” á administración, os titores da área de Vigo deixarán de facer ese labor co MIR que se incorporen proximamente.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...