InicioSociedadeA EOXI de Vigo presenta un documento para unha "profunda transformación" da...

A EOXI de Vigo presenta un documento para unha “profunda transformación” da Atención Primaria

PUBLICADO O

A Estrutura Organizativa de Xestión Integrada (EOXI) de Vigo presentou este mércores aos profesionais de Atención Primaria o documento estratéxico e de xestión elaborado por 16 expertos independentes para o futuro dese nivel asistencial, ‘Por unha Atención Primaria vertebradora do sistema de saúde’.

A este acto, convocado pola xerencia da área sanitaria e levado a cabo na sede da Dirección de Atención Primaria de Vigo, situada en Rosalía de Castro, asistiu, entre outros, o xerente da EOXI viguesa, Julio García, así como máis de 60 persoas de diferentes categorías profesionais.

Na súa intervención, García sinalou que este documento “propón unha profunda transformación da Atención Primaria, deixando o papel de porta de entrada ao sistema sanitario para ser o eixo vertebrador do mesmo”.

Tamén explicou que é o resultado dun dos acordos asinados o pasado mes de marzo entre as sociedades científicas de Atención Primaria en Galicia e o Consello Galego de Colexios Médicos e o Servizo Galego de Saúde (Sergas).

Neste sentido remarcou que o traballo desenvolvido por este grupo de expertos é “perfectamente complementario” co levado a cabo para a elaboración do Plan de Atención Primaria 2019-2021, e que está a liderar desde o Consello Técnico de Atención Primaria.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...