InicioSucesosFeijóo promete axilizar a chegada de axudas e indemnizacións para os afectados...

Feijóo promete axilizar a chegada de axudas e indemnizacións para os afectados pola explosión

PUBLICADO O

- Advertisement -

O presidente da Xunta, Alberto Núñez Feijóo, avanzou que o Goberno autonómico aprobará unha orde “similar” á aprobada após a vaga de incendios de outubro de 2017 destinada ás familias afectadas pola explosión de material de pirotecnia este mércores en Tui.

Así o comunicou na rolda de prensa posterior á reunión do seu goberno, na que a conselleira de Infraestruturas, Ethel Vázquez, presentou un informe de urxencia após o sinistro rexistrado na tarde deste mércores.

“Imos aprobar as axudas aos afectados en danos en vivendas para que poidan ser reconstruídas“, sinalou Feijóo, quen na súa intervención trasladou o pésame polos dous falecidos confirmados pola explosión. Ademais, comprometeuse a “axilizar o máximo posible todas as axudas e indemnizacións para rehabilitar as súas vivendas”.

Rompéronse cristais a centos de metros / Miguel Núñez

O presidente da Xunta, Alberto Núñez Feijóo, prevé desprazarse este xoves a Tui para visitar a zona afectada. Feijóo realizará a visita a Tui despois da reunión semanal do seu Executivo, cuxa rolda de prensa ofrecerá en Santiago a partir das 12:00 horas. Anulou o resto de previsións que tiña en axenda.

Por outra banda, tamén visitarán a zona afectada este xoves a portavoz nacional do BNG, Ana Pontón, e o portavoz de En Marea, Luís Villares. O líder do PSdeG, Gonzalo Caballero, xa estivo na localidade pontevedresa a última hora da pasada xornada.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...