InicioEconomíaA Axencia Europea de Pesca busca "reforzar a estreita cooperación entre os...

A Axencia Europea de Pesca busca “reforzar a estreita cooperación entre os Estados da UE”

A entidade vén de presentar un programa plurianual que funcionará no marco das normas de seguimento, control e vixilancia da Política Pesqueira Común.

PUBLICADO O

A Axencia Europea de Control da Pesca (EFCA, polas súas siglas en inglés) celebrou este martes en Vigo a súa 33ª reunión, onde aprobou o seu documento de programación plurianual para 2020-2024, co que pretende “reforzar a estreita cooperación entre os Estados membros da Unión Europea (UE)”.

Así, nun comunicado, a EFCA destacou que a súa programación abarca un “competo” resumo dos recursos asignados á Axencia de acordo cos obxectivos, indicadores e resultados previstos para os próximos anos. O orzamento para 2020 é de 17,6 millóns de euros, que serán sometidos á aprobación das autoridades orzamentarias da UE.

Este programa plurianual ten por obxecto reforzar a cooperación entre os Estados, no marco das normas de seguimento, control e vixilancia da Política Pesqueira Común, “unha condición sine qua non para lograr unha aplicación da política conforme, eficaz e uniforme, garantindo a sustentabilidade dos recursos pesqueiros”.

Neste sentido, o labor da EFCA virará ao redor de áreas “estratéxicas” como a coordinación operativa, a análise de riscos e análises de datos, o cumprimento das disposicións internacionais en materia de desenvolvemento de capacidades e o apoio ás funcións da garda costeira.

“A EFCA baséase na súa experiencia técnica e operativa para mellorar unha cultura de cumprimento e colaboración e para lograr unhas condicións de competencia equitativas na UE que contribúan á gobernación e a sustentabilidade dos océanos da maneira máis rendible”, subliñou o director executivo, Pascal Savouret.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...