O reitor da Universidade da Coruña (UDC), Julio Abalde, e o reitor da Universidade de Vigo (UVigo), Manuel Reigosa, subscribiron, xunto ao director da empresa Aldaba Servizos Profesionais, Enrique Fernández, o convenio polo que se crea a cátedra interuniversitaria Aldaba WIB: Women, ICT & Business.
A cátedra, segundo informa o reitorado coruñés, ten como finalidade facilitar a incorporación ao mundo laboral dos estudantes da Facultade de Informática da UDC e da Escola Superior de Enxeñaría Informática de Vigo.
Tamén busca visibilizar a participación das mulleres no mundo do TIC para agudizar o interese dos mozos polas carreiras deste tipo.