Un mozo ciclista de 25 anos de idade resultou ferido na mañá deste martes ao ser atropelado por un autobús na Avenida da Florida na cidade de Vigo.

Segundo os datos facilitados polo 112 Galicia, o sinistro tivo lugar sobre as 8,30 horas deste martes á altura do número 60 da Avenida da Florida.

Tras ter constancia do ocorrido a través de varias persoas particulares, por parte do CIAE 112 Galicia púxose a situación en coñecemento de Urxencias Sanitarias de Galicia-061, dos Bombeiros de Vigo, da Policía Local e da Agrupación de Voluntarios de Protección Civil da cidade.

O home ferido, C.R.S., de 25 anos de idade, foi trasladado nunha ambulancia medicalizada do 061 ao Hospital Povisa, sinalaron fontes sanitarias a Europa Press.